HI-FI ESTETIK - DAY SPA

(C) Bütün hüquqlar qorunub "Hi-Fi Estetiks" / Site by Dreamcast Designer

TRİXOLOGİYA

    Saç gözəllik nişanəsi olmaqla bərabər insanın daxili aləminin - yəni sağlamlığının göstəricisidir. Orqanizm ilə sıx vəhdət təşkil edərək baş verən bütün xəstəlikləri özündə əks etdirir, insanın əhval-ruhiyyəsinə təsir edir.
     Tüklərin quruluşu, inkişaf fazaları, problem və müalicəsi ilə məşğul olan elmə trixologiya deyilir. Həkim trixoloqa müraciətə səbəb olan xəstəliklər şərti olaraq 3 qrupa bölünür: saç kökünün, milinin xəstəlikləri, baş dərisinin təbii halının pozulması. Bu halda pasientləri saçların tökülməsi və seyrəkləşməsi narahat edir. İkinci yerdə baş dərisinin xəstəlikləri dayanır: bunlara kəpək, qaşınma, dəridə xoş olmayan hissiyyat aiddir. Üçüncü qrupa saçların öz vəziyyəti, onların xarici görünüşü və saç milinin strukturunun korlanması daxildi.
     Azərbaycan əhalisinin 60%-dən çoxu saçın bu və ya digər problemlərindən şikayət edir. Şikayətlər arasında ən çox aşağıdakı xəstəliklər qeyd olunur :

- Ocaqlı alopesiya (sadə, çoxocaqlı, total, universal və s.)
- Diffuz tük tökülmə (telogen, stresslə bağlı, endokrin mənşəli, xarici faktorların təsirindən əmələ gələn və s.)
- Androgen alopesiya (kişi və qadınlarda baş verən alın-təpə nahiyələrinin tük seyrəkliyi)
- Kəpək və seboreya
- Tükün mil hissəsinin müxtəlif xəstəlikləri (trixoptiloz, trixomaniya, trixoklaziya və s.)