HI-FI ESTETIK - RADIOLIFTINQ

RADIOLIFTINQ

Bu gün üzün qeyri-cərrahiyyə yolu ilə dartılması vasitələrindən danışanda ilkin olaraq bu sahədə mütləq lider olan radiodalğalı liftinq xatırlanır. Radioliftinq radiodalğalar vasitəsilə dərinin cərrahiyyə əməliyyatı olmadan dartılması, liftinqidir. Radiodalğaların kosmetologiyada tətbiqi təəccüblü dərəcədə səmərəli nəticələr verir. Bu prosedur vasitəsilə dərinin elastikliyi artır, möhkəmlənir, üzün sallaqlığı aradan qaldırlır, prosedur dərin qırışların açılmasında möcüzələr vəd edir. 1-16 Mhs tezlikli radiodalğalar dərinin orta qatlarına qədər nüfuz edir və bu toxumalarda hərarət dəyişikliyinə səbəb olur. Nəticədə dərinin altında olan və onun elastikliyini, möhkəmliyini təmin edən kollagen lifləri dartılır və möhkəmlənir. Bu vasitə prosedurdan dərhal sonra dərinin dartıldığını görmək imkanı verir.

Eyni zamanda, radiodalğalı şüalanma zəifləmiş və genişlənmiş liflərin yerinə yeni kollagen liflərinin əmələ gəlməsini stimullaşdırır. Bu proses sanki “domino” effektini verir, yarım il və ya daha artıq müddətdə davam etdikdə dəri və onu saxlayan toxumalar tədricən möhkəmlənir.

Radioliftinq zamanı anesteziyadan istifadə olunmur, prosedur ağrısızdır. Seans üzərində işlənilən nahiyənin həcmindən asılı olaraq 20 dəqiqədən 2 saata qədər davam edə bilər. Prosedurdan dərhal sonra dəri daha gənc və hamar görünür.

Hansı hallarda məsləhət görülür:

• Üz, boyun, dekoltye, alt və üst göz qapaqlarındakı qırış və büküşlərin aradan qaldırılması
• Üz ovalının korreksiyası (yumşaq toxumaların ptozu)
• Qaşların qeyri-cərrahiyyə yolu ilə qaldırılması
• Lokal səviyyədə artıq piyin toplanması

SONRA

ƏVVƏL

Möcüzəvi effekt nə qədər davam edir?

Orta hesabla 6 seansdan ibarət olan proqram öz effektini 5 və daha artıq il ərzində saxlaya bilər. Bu effekt arada bir dəfə edilən dəstəkləyici prosedur ilə möhkəmlənir. Sizin orqanizm nə qədər cavan (ilk növbədə pasportdakı yaş yox, bioloji yaş nəzərdə tutulur) və sağlamdırsa, proqramın effekti daha çox qalır.

Əks göstəricilər:

Bu prosedur orqanizminə yeridilmiş kardiostimulyator, kardioverter-defibrillyator və ya başqa implant olunmuş elektrik cihazı ilə yaşayan pasiyentlərə olmaz. Şəkərli diabet, birləşdirici toxumaların bəzi xəstəlikləri, ümumi infeksion xəstəliklər və işlənilən nahiyədə dəri xəstəlikləri zamanı məsləhət görülmür.