HI-FI ESTETIK - PARAFİNOTERAPİYA

PARAFINOTERAPIYA

Bu məqsəd üçün müxtəlif aktiv əlavələr (aloe-nəmləndirmə üçün, azulen-iltihab əleyhinə) qatılmış, təmiz, rəngləyici maddəsiz parafindən istifadə olunur. Parafinin istifadəsi zamanı həmin nahiyənin hərarəti 1.5-2° C-yədək artır. Bu zaman dəri məsamələri genişlənir, epidermisin üst qatı yumşalır və tər ifrazı güclənir. Dəridə hərarət yüksəldiyi üçün yerli qan dövranı yaxşılaşır, limfa sirkulyasiyası aktivləşir və bu da toksinlərin qovulmasına zəmin yaradır.

Parafinoterapiya kosmetologiyada çox səmərəli prosedurlardan biridir. Nəticə prosedurdan dərhal sonra müşahidə olunur, dəri hamarlaşır, yumşalır. Bu prosedurdan sonra istifadə olunacaq kremlər, maskalar dəri tərəfindən daha yaxşı mənimsənilir, buna səbəb dəri məsamələrinin açılması və epidermisin üst buynuz qatının yumşalmasıdır.

Beləliklə parafinoterapiyanın əsas nəticələri bunlardır:

* Dərinin nəmlənməsi
* Toksinlərin qovulması
* Dərinin hamarlanması və tamlıgının bərpası

Prosedur üçün müəyyən əks göstəricilər də var:

* Dəridə iltihab elementlərinin olması
* Dərinin kəskin infeksion xəstəlikləri
* Həssas kuperozlu dəri