MEZOTERAPIYA
Mezoterapiya müasir
kosmetologiyada müxtəlif problemlərin həlli üçün ən universal və populyar
metodlardan biridir. Müxtəlif müalicəvi məqsədlər üçün nəzərdə tutulmuş
preparatlar iynə vasitəsilə birbaşa dərinin dermal qatına yeridilir. Bu
vasitənin istifadəsi zamanı preparatın ümumi qan dövranına sovrulub
qaraciyər-böyrəklər vasitəsi ilə xaric olması faizi çox az olduğundan yerli (lokal)
effekt daha səmərəli olur. Mezoterapiyadan demək olar ki, əksər kosmetoloji
problemlərdə - xrono və fotoyaşlanmada, sızanaqlar, kuperoz, saç tökülməsi (alopisiya),
striya və çapıqların, sellilütin müalicəsində, kimyəvi pilinqlərə hazırlıq
mərhələsində istifadə olunur. Hər hansı bir müalicə məqsədi ilə müxtəlif
komponentlərdən ibarət kokteyllər hazırlanır. Ən çox tətbiq olunan komponentlər
bunlardır:
1. Vitaminlər (askorbin turşusu, B qrupu vitaminləri, biotin, PP vitamini, rutin
və s)
2. Olitoelementlər ( sink, selen, selesium, kobalt, manezium və s)
3. Amin turşuları ( L- fenilalonin, L-ornitin, və s)
4. Turşular və onların duzları ( qlikol, salisil, süd turşuları)
5. Bitki ekstraktları ( yaşıl çay, qinko biloba, artişok və s)
6. Müxtəlif aktiv maddələr ( hioluron turşusu, DMAE və s)
7. Heyvan və dəniz mənşəli ekstraktlar (kallogen, elastin, glikoza minoglikonlar)
Mezoterapiya seanslar şəklində keçirilir. Müalicə proqramı 6-15 seansdan ibarət
olmaqla 7-10 gündə 1 dəfə olur.
Əks
göstərişlər bunlardır:
- hamiləlik və
laktasiya
- kəskin infeksoin xəstəliklər
- qan xəstəlikləri
- anamnezdə allergik reaksiyaların olması
- bədxassəli şişlər
