HI-FI ESTETIK - LAZER EPİLYASIYASI

LAZER EPİLYASIYASI

Əlbəttə, siz vosk, depilyasiya üçün krem, tüklərin sapla alınması və digər vasitələrdən istifadə etməkdə davam edə bilərsiniz. Amma əgər müasir lazer epilasiyası tüklərdən birdəfəlik yaxa qurtarmağa kömək edirsə, niyə bu səmərəli vasitədən istifadə etməyəsiniz?

Bakıda ən effektiv lazer epilyasiyasını İtaliyanın Deka firmasının istehsalı olan Synchro HP aparatı vasitəsilə təklif edirik. Epilyasiyada istifadə edilən uzun dalğalı impuls digər lazer növləri ilə müqayisədə arzuolunmaz tüklərdən daha tez və təhlükəsiz yaxa qurtarmağın ən səmərəli yoludur.

Bu halda lazer necə işləyir? Lazer ətrafdakı strukturu zədələmədən yalnız tükün follikuluna təsir edir. Nəticədə həm tük, həm də soğanağı zədələnir və tükün inkişafı dayanır. Amma təbii olaraq insanda follikullar eyni zamanda “işləmədiyindən”, yəni tük müxtəlif vaxtlarda çıxdığından lazer epilyasiyası proseduru müəyyən müddətdən sonra digər tükləri də zədələmək üçün təkrarən aparılır. Ən yaxşı nəticə qara tükləri olan ağ dərili insanlarda əldə olunur. Açıq rəngli tüklər daha artıq lazer proseduru tələb edir.